Рај на Земјата: Прекрасното селце Науса на островот Парос е вистинска разгледница

Сместено на северната страна на островот Парос, прекрасното рибарско село Науса е дестинација која непрекинато мами воздишки на посетителите ширум целата Земјина топка.

Малото пристаниште е сон за фотографите, а светло обоената кикладска архитектура и шарените бродови на пристаништето се вистински хедонизам за човечкото око.

Белото, рибарско селце Науса е неизбежно за посетување доколку го изберете Парос, со оглед на тоа дека овој остров навистина има што да понуди.

Венецијански урнатини, широки сокаци, безброј преполни таверни покрај прекрасното сино море и дефинитивно едни од најдобрите зајдисонца.

„Посетителите на Науса, се целосно маѓепсани. Овој рибарски рај е наше мало богатство.“ – вели еден од домородците.

Ноќниот живот е прилично едноставен, опфаќа претежно барови, традиционални кафулиња и неколку ноќни клубови.

Сепак, туристичкиот акцент не целосно го обзема островот, што го прави Парос одлично место за посета за оние кои уживаат во тивки бегства во прекрасни услови.

Во продолжение повеќе фотки од прекрасното селце Науса:

Топ 5 барови во Науса:

Аgosta Bar

Linardo

Ohja

Barbarossa

Axinos

Мила М. | Црнобело