Спонзорирано од:
Спонзорирано од ОгласиЗаРабота.мк
АРХИТЕКТ 30-01-2023


Локалното племе го сака принцот Филип, има подводна пошта – Факти за Вануату, сте слушнале ли за оваа држава?

Вануату е островска земја која се наоѓа во јужниот дел на Тихиот Океан. Ова е една од најсреќните земји, ја има единствената подводна пошта во светот и уште неколку интересни работи за кои сигурно немате слушнато.

6-fakti-za-vanuatu-zemja-vo-koja-zhivee-pleme-koe-go-obozhava-princot-filip-soprugot-na-pokojnata-kralica-elizabeta-01.png

Овој архипелаг е составен од 83 мали острови од кои околу 65 се населени. Нејзини најблиски земји се Соломоновите Острови, Тувалу, Валис, Футуна, Фиџи, Нова Каледонија и Австралија.

Вануату има многу да понуди. Од бујни шуми до неверојатен морски живот, прекрасни вулкани - земјата е навистина исполнета со природни чуда.

Неколку интересни факти за оваа островска држава:

Племете Јакел го обожава принцот Филип, сопругот на покојната кралица Елизабета

Патувачкиот блогер @traveltomtom на својот профил на Инстаграм раскажува за племето Јакел кое живее на овој остров и за кое принцот Филип претставува Бог.

Легендата вели дека синот на планинскиот бог на островот Тана бил висок блед човек кој патувал далеку преку океанот за да се ожени со моќна жена.

Јасно е дека принцот Филип одговара на тој опис и луѓето од племето Јакел веруваат дека тој е потомок од нивниот остров, односно тој е нивниот Бог.

Канибализмот се практикувал до неодамна

Вануату е добро познато место каде што живееле канибали и каде што првите британски мисионери кои пристигнале во 1839 година биле убиени и изедени на островот кој сега е познат како Ероманго.

Според антрополозите, последното регистрирано канибалско убиство на Вануату било во 1969 година. Се смета дека стандардното време за готвење за човекот било од 3 до 5 часа.

Единствената подводна пошта во светот се наоѓа во Вануату

Можеби сте слушнале за подводни хотели и ресторани, но дали сте слушнале за подводна пошта? Да, единствената подводна пошта во светот се наоѓа токму овде во Вануату, покрај тропскиот гребен на островот Хидевеј. 

Најпристапниот активен вулкан во светот е во Вануату

Лоциран на островот Тана, Јасур е најпристапниот активен вулкан во светот. Ниту една посета на Вануату не е комплетна без да ја доживеете оваа неверојатна природна атракција.

Овде ќе поминете низ испарливи, црни полиња со пепел и ќе го слушнете морничавиот звук на вулканот.

Глетката и мирисот се запрепастувачки, за разлика од сè што веројатно некогаш ќе го видите повторно. Ова е уникатно искуство што едноставно не може да се пропушти.

Банџи-скокањето потекнува од Вануату

Со векови мажите од Вануату практикувале нагол - копнено нуркање. Ова е ритуал поврзан со годишната жетва, кога мажите градат дрвена кула висока до 30 метри и нуркаат со само винова лоза прикачена на нивните глуждови.

Вануату не е една од најбогатите земји во светот, но е една од најсреќните

Вануату значи „вечна земја“ и луѓето ја сакаат својата земја. Според законот, целото земјиште во Вануату припаѓа на домородното население Ни-Вануату и не може да се продава на странци.

M. Г. | Црнобело

Би можело да ве интересира:

Не е за клаустофобични – живот под карпи во мистичен град во Шпанија (фото) Сместен на половина пат помеѓу Севиља и Малага, Сетенил де лас Бодегас е еден од...
Зимско-божиќна бајка во едно од најубавите алпски селца во Словенија – како да стигнете дотаму и што... Крањска Гора е еден од најубавите алпски одморалишта во Словенија, а се наоѓа ме...
Тивок и величествен – Пераст, еден од скриените бисери на Црна Гора (фото) Изгледа како парче од Венеција што пловело по Јадранот и се закотвило во Которск...

Најчитани неделава

sonovnik-sidebar.jpg