Видео што ќе ве трогне: 5-годишно девојче ја смирува мајка си по паничен напад

„Сакаш да те прегрнам уште еднаш?“ – ја прашува својата мајка, едно мало 5-годишно девојче од САД, откако успеа да ја утеши и да ѝ помогне на мајка си која во моментот страда од паничен напад. Погледнете зошто ова видео им го стопли срцето и расплака голем број луѓе на социјалните мрежи...

Оние што страдаат од панични напади знаат дека тие можат да се појават во кој било миг од денот, а чувството дека немате контрола над работите прави да се чувствувате поразено и немоќно.

Многу е важно блиските на лицата што страдаат од панични напади да знаат што да направат во дадениот миг за да им помогнат и да ги утешат, а ова видео со 5-годишна ќеркичка која ѝ помага на мајка си да го преброди моментот на криза, навистина ќе ви ги стопли срцата.

Кимберли Бушман од САД на својот ТикТок профил објави видео на кое се гледа како нејзината 5-годишна ќерка ѝ помага да се смири за време на паничен напад, користејќи ја техниката со која таа ја смирува неа кога е вознемирена.

„Таа дефинитивно е мојот спасител. Ти си важна“ – напиша таа до видеото.

Инаку во самото видео кое досега е погледнaтo над 23 милиони пати, се гледа како девојчето со прстите ѝ покажува на мајка си и ја тера да дувне по една свеќичка (на секое прсте) и на крај ѝ вели:

„Сакаш да те прегрнам уште еднаш?“

Видеото расплака голем број следбеници на социјалните мрежи, а речиси сите се согласни дека децата некогаш не се ниту свесни колку нивните силни прегратки им значат на родителите во миговите кога навистина ни е тешко.

@kimberleebushman4

She definitely is my saving grace. You matter. #momsoftiktok #calmingtechniques #fyp #panicattack

♬ take a moment to breathe. - normal the kid

Б. С. Б. | Црнобело