„Сопругот добива комплименти бидејќи ја сменил пелената на нашето бебе“ – Двојните стандарди за мајките и татковците

Ако мајката купи хамбургер за ручек, тогаш е мрзлива. Ако таткото го направи тоа, тогаш е „кул“ родител. Што мислите за двојните стандарди со кои се соочуваат мајките?

viralno-video-dvojnite-standardi-so-koi-se-soochuvaat-modernite-majki-01.jpg

Веројатно не постои мајка која не се соочила со двојни стандарди кога станува збор за грижата за нејзиното дете.

Додека од мајката е очекувано да се грижи за секоја ситница поврзана со детето, таткото го ставаат на пиедестал дури и само ако смени пелена.

Без разлика што во повеќето модерни семејства работат и двајцата родители, сепак мајката е таа која го носи целиот товар.

Ова го забележала и Луси Финк – 31-годишна видео продуцентка и инфлуенсерка, како и мајка на едно дете.

View this post on Instagram

A post shared by Lucie Fink (@luciebfink)

Иако Луси е среќна со сопругот, сепак не ѝ се допаѓаат двојните стандарди со кои се соочени сите мајки.

Со цел да покаже со што се соочуваат повеќето мајки, таа направи видео на кое прикажува ситуации од секојдневието на мајките и татковците.

Притоа, во секоја сцена го додава и мислењето на јавноста.

Кога мајката го проверува телефонот додека го шета детето, тогаш е невнимателна. Кога таткото го прави истото, тогаш тој е грижлив родител бидејќи минува време со детето.

viralno-video-dvojnite-standardi-so-koi-se-soochuvaat-modernite-majki-06.jpg

Или, кога мајката ќе купи хамбургери за ручек, тогаш е мрзлива. Но, кога таткото ќе го направи тоа, тогаш е „кул“ родител.

viralno-video-dvojnite-standardi-so-koi-se-soochuvaat-modernite-majki-05.jpg

Кога мајката го лула детето на лулашка, тогаш е „обична“ и „неоригинална“. Таткото во истата ситуација се гледа како прекрасен родител.

viralno-video-dvojnite-standardi-so-koi-se-soochuvaat-modernite-majki-04.jpg

Кога мајката му чита приказни на детето пред спиење, тоа е очекувано од неа. Кога таткото ќе го направи тоа, тогаш „глуми дадилка“.

viralno-video-dvojnite-standardi-so-koi-se-soochuvaat-modernite-majki-03.jpg

Кога жената работи и се грижи за детето, тогаш е вработена мајка, како тоа да е нешто невообичаено за мајките. Кога мажот работи, никој не додава дека е вработен татко.

viralno-video-dvojnite-standardi-so-koi-se-soochuvaat-modernite-majki-02.jpg

„Да разјаснам, ова не е коментар за мојот партнер, туку ова е двојниот стандард што го гледам ширум светот“, пишува во описот.

@luciebfink

Why am I crying…🥺 To be clear: this isn’t a comment on my partner, this is a double standard I see around the world. Words & concept inspired by momlife_comics (Mary Catherine Starr) and her viral comic #doublestandards #parenting #momtok #momlife #momsanddads #momsoftiktok #societystandards #societalstandards #society #parents #newparents #momlifecomics #momlife

♬ What Was I Made For? [From The Motion Picture "Barbie"] - Billie Eilish

Во коментари, повеќето сметаат дека двојните стандарди не се во ред.

„Очекувањата за татковците се прениски“.

„Изгледа дека потребно е малку да те наречат ’лоша мајка‘ и потребно е да направиш малку за да те наречат ’добар татко‘“.

„Сопругот добиваше комплименти бидејќи ја сменил пелената на нашето бебе! Бев многу гневна“.

„Жените во моето семејство постојано го фалат мојот сопругот и ми кажуваат колку сум среќна. Јас никогаш не добивам комплименти. Едноставно, од мене е очекувано да ги завршувам сите обврски“.

„Како дадилка, можам да погодам кои бракови ќе траат, само според тоа колку се татковците вклучени во грижата за бебето и колку мајките чувствуваат благодарност“.

„Татковите можат да прават малку, а сепак да ги сметаат за добри татковци. Мајките можат да дадат сè од себе, и никогаш нема да биде доволно“.

Што мислите за двојните стандарди со кои се соочуваат мајките?

Спирова С. | Црнобело

Би можело да ве интересира:

Ние мајките постојано се извинуваме - за немирното дете, за нечистиот дом, затоа што ни е потребен о... Се извинуваме затоа што нашето дете не се вклопува во „нормалата“ или затоа што ...
Фрази што не треба да му ги кажувате на детето (за да биде среќно кога ќе порасне) Немојте да го нарекувате детето „дебелко“ или „слабичко“ или да користите слични...
Како да му помогнете на детето да се навикне да спие само во детската соба? Кога ќе стигнат до одредена возраст, препорачливо е децата да почнат да спијат с...
Како да препознаете дека вашето дете не ве почитува доволно? Детето кое не ги почитува вашите лични граници може да влезе во спалната соба бе...
Проодување кај детето: Како да го охрабрите и на што да обрнете внимание? Предупредувањата од типот „Внимавај, ќе паднеш!“ се непотребни, бидејќи тре...
„Зошто детето да го добие презимето на таткото, а не на мајката?“ – Жена поттикна жестока дебата на ... Со објава на Твитер во која им порачува на бремените жени да им го дадат своето ...

Најчитани неделава

sonovnik-sidebar.jpg