„Мојот 5-годишен син се врати со лакирани нокти од градинка, сопругот збесна – во право ли е?“

Син ми се врати со лакирани нокти од градинка и сопругот збесна, рече дека ќе се јави веднаш во градинката – една мајка отвори вистинска дебата на социјалните мрежи, откако раскажа како реагирал нејзиниот сопруг кога нивниот 5-годишен син се вратил со лакирани нокти.

Некои родители сакаат уште од најмали нозе да ги научат машките деца дека не треба да прават работи што се само за девојчиња, па очигледно таков е примерот и со овој татко.

Една жена побара совет на група за родители на Reddit и отвори вистинска дебата на темата дали е во ред на машките деца да им се дозволи да ги лакираат ноктите кога се мали?

„Навистина сум разочарана. Мојот 5-годишен син си дојде возбуден од градинка денес и неговите нокти беа лакирани со безбеден лак за нокти. Си играле дека имаат салон за маникир и педикир и им понудиле на децата да им ги налакираат ноктите ако сакаат.

Син ми мислел дека тоа е забавно и беше многу возбуден. Но, кога мојот партнерот си дојде дома, збесна! Рече дека е одвратно тоа што го прават во градинка и му рече на синот дека лакот за нокти е САМО ЗА ДЕВОЈЧИЊА, по што детето беше многу вознемирено.

Навистина ми е тешко заради него. Партнерот дури се закани дека ќе се јави во градинката и ќе се жали за тоа што се случило. Како да се справам со ова?“ – прашува мајката.

Таа доби голем број коментари и одговори на прашањето, а речиси сите го обвинуваат нејзиниот партнер дека има сексистички погледи и дека неговата реакција не е оправдана.

„Јас сум маж од 43 години и не можам да избројам колкупати ми се случило ќерките да ми ги ‘средат ноктите’. Твојот сопруг навистина е ужасен. Кажи му дека тој се однесува како дете. На тој начин не прави ништо добро, освен што го возенмирува детето. Очигледно тој има проблем со сопствената машкост, ако толку се вознемирува само за лак за нокти“;

„Застани во одбрана на сопственото дете. Тоа е само лак за нокти, не пишува за кој пол е наменет и лесно се вади. Навистина не е ништо сериозно“;

„Кажи му да престане да се однесува како возрасен и да сфати дека детето се израдувало? Ужасно е веднаш да се тврди дека тоа е ‘нешто што е наменето само за спротивниот пол’. Тоа е дете и видело нешто што му се допаѓа“ – стои во дел коментарите.

Каков е вашиот став на темата?

Б. С. Б. | Црнобело