Што да направите ако друг возрасен (јавно) го критикува и навредува вашето дете?

Внесете доза хумор за да ја намалите напнатоста

Иако најверојатно не ви е до шега, добро би било да внесете доза хумор за да си олесните во стресните ситуации и да ја намалите тензијата.

Сепак, обидете се да бидете внимателни со шегите, затоа што не би сакале да звучите саркастично или како да навредувате нечии чувства, со што само ќе ја влошите ситуацијата.

Поставете јасни граници

Ако се работи за личност која има авторитет во животот на вашето дете (наставник, тренер, роднина), неопходно е од сам почеток да поставите јасни граници за да спречите слични ситуации.

Секако, тука не се мисли да се заканувате за вашето дете да може да ги тероризира сите во училиштето, туку барате личноста да ги користи истите техники за дисциплинирање што ги користите и дома.

На тој начин детето ќе создаде слика за тоа што е правилно и што е погрешно и каква казна може да очекува.

Обидете се да му ја објасните ситуацијата на детето

Кога ќе се смири ситуацијата, неопходно е да седнете и да разговарате со детето.

Ова е мошне важно, затоа што од мали нозе мора да го научите детето дека грешките што ги прави може да имаат долготрајни последици.

Разговарајте, но не го сожалувајте и не го охрабрувајте. Тоа мора да знае каква грешка направило и дека не смее да ја повтори.

Во кои случаи е во ред друга возрасна личност да го дисциплинира вашето дете?

Како родители, имаме задача да ги научиме децата што значи авторитет и како да ги прифатат општествените норми што им се наметнуваат.

Тие треба да знаат кои се авторитетите во општествените групи и да ги почитуваат тие фигури.

Затоа, не смеете да му замерите на наставникот кој се обидел да го дисциплинира вашето дете, ако тоа се однесува непримерно во училиште.

Но, тоа дисциплинирање не смее да биде со изливи на гнев и викање. Таквиот начин на комуникација може да ја уништи самодовербата на детето, да му создаде анксиозност и да му ја уништи довербата во другите.

Б. С. Б. | Црнобело