Kако да се справите со несаканите совети за децата, низ илустрации

Како да реагирате на родителите што постојано се фалат со успесите на нивните деца или, пак, со повозрасните кои сметаат дека знаат сѐ? Што можете да направите како родител за да се заштитите себеси, но и сопственото дете?

Секој родител се соочил со ситуација во која некој друг доаѓа и се обидува да го советува како да го одгледува своето дете или да го наметнува својот начин на воспитување како најдобар.

Свесни сме дека луѓето немаат поим со што се соочуваме и дека сите деца не се исти и дека таквите совети најчесто не се корисни, туку само нѐ вознемируваат.

Како да се справите со луѓето што сакаат да ви „солат памет“ за одгледувањето на децата?

Можеби следните трикови ќе ви бидат од корист:

Кога некој сака да го гушка и да го бакнува вашето дете, а тоа не сака

Ние, како возрасни, знаеме да држиме дистанца и да ги избегнуваме луѓето што доаѓаат да нѐ прегрнуваат и да нѐ бакнуваат без дозвола.

Истото важи и за децата, но тие од вас како родител очекуваат да застанете и да ги заштитите, а не да ги терате сосила да ја бакнат личноста што не им се допаѓа само за вие да не се чувствувате непријатно.

Затоа, сосема слободно можете да ѝ кажете на личноста дека вашето дете сака да го остават и да не го прегрнуваат.

Кога повозрасните сметаат дека знаат сѐ

Во минатото нѐ учеа дека повозрасните знаат сѐ и заради тоа треба да ги слушаме. Нашите мајки понизно ги слушале советите на случајните минувачи или сосетки само затоа што се повозрасни и помудри.

Денес, годините веќе не се мерило за мудрост и заради тоа не значи дека советите што некој повозрасен ви ги дава се секогаш правилни.

Сосема е нормално да ги занемарите советите од луѓето што сметаат дека знаат сѐ само затоа што се повозрасни.

Кога некој родител сака да ви нагласи дека неговото дете е подобро од вашето

Најдобро е да го избегнувате контактот со таквите луѓе.

Најчесто е невозможно да ги натерате да замолкнат, а не се ни свесни дека критиките и советите што ви ги даваат негативно влијаат врз вашата самодоверба како родител.

Кога други коментираат за однесувањето на вашето дете

Ако некогаш ви се случи некој да не ви се обрати вам, но со потсмев да ја коментира ситуацијата во која што сте се нашле, потрудете се да изброите до 10, да не се вознемирувате и да не реагирате бурно.

Наместо тоа, обидете се да се пошегувате на сопствена (или на нивна) сметка и прифатете дека понекогаш луѓето не се свесни дека се непристојни.

Продолжува на следната страница...