Мамо, не мораш да бидеш супер жена - сакам да те паметам насмеана

„Мамо, еден ден кога твоето тело ќе се измори ретко кој ќе се сеќава дека си се обидувала да бидеш неверојатна на секое поле, а јас ќе се сеќавам само дали беше среќна...“

Секоја совесна мајка сака да биде СУПЕР МАМА за своето малечко, но на секое детенце му е потребна само МАМА, која не мора да биде СУПЕР жена.

Писмо кое секоја мајка треба да го прочита:

„Мамо,

Не мораш да водиш сметка за сè. Не мораш да бидеш СУПЕР мајка, СУПЕР сопруга, СУПЕР работник. Не мораш да бидеш СУПЕР ЖЕНА.

Затоа што еден ден кога твоето тело ќе се измори ретко кој ќе се сеќава дека си се обидувала да бидеш неверојатна на секое поле.

Затоа остави ги домашните обврски за подоцна, оди прошетај во парк, вежбај во фитнес центарот, оди на шопинг, купи си нешто, посети салон за убавина... Биди ти, грижи се за себе, сакај се себе и направи некои работи само за себе.

Децата ќе пораснат, мажот може и да си замине, на работа ќе ти пронајдат замена, а куќата ќе станува нечиста одново и одново, но ти нема да имаш втора шанса“.

Кажете ѝ на вашата мајка дека не е важно дали денес стигнала да приготви појадок, ручек и вечера или да ја среди куќата под конец, туку важно е како таа денес се чувствува.

За жал, не може сè да биде совршено, а мајките понекогаш во трка по совршенство често забораваат дека се само луѓе. Бидете тука за нив да ги потсетите дека ништо не мораат, освен да ве сакаат безусловно.

Потсетете ги дека вие како нивни деца ќе се сеќавате на нивната насмевка, присуство и енергија, а ако постојано се уморни и нервозни, тогаш дека како такви ќе ги паметите.

Извор

Фото: depositphotos.com