Вирална објава на една мајка: „Потрудете се да бидете добар брачен партнер, а не само добар родител“

„Потрудете се бракот да ви биде исто толкав приоритет, како што ви е улогата на родител и вложeте напор да бидете добар партнер, колку што вложувате во тоа да бидете добар родител“, вели Кејтлин Фладаџер од Ванкувер.

Кејтлин Фладаџер e сопруга и мајка од Ванкувер, град во Канада, кој се наоѓа во покраината Британска Колумбија.

Таа со своите 974.000 следбеници на Фејсбук постојано споделува детали од своето секојдневие и семеен живот.

Една од нејзините објави на тема колку лесно можеме да се загубиме во улогата на родител и да заборавиме на улогата сопруг/а во бракот стана вирална и навистина поттикнува на размислување.

Објавата на Кејтлин за бракот:

„Добивањето дете ја менува вашата љубовна врска, но запомнете, кога децата ќе пораснат и ќе се отселат, сè што ќе ви остане сте си вие еден на друг.

Потрудете се бракот да ви биде исто толкав приоритет, како што ви е улогата на родител.

Потрудете се да вложите исто толку напор во тоа да бидете добар партнер, колку што вложувате во тоа да бидете добар родител.

Бакнувајте се секое утро и вечер, планирајте состаноци и запомнете дека вашиот партнер ви е најдобар пријател.

Немојте да сте толку презафатени со тоа да бидете родител, до степен да заборавите да бидете сопруг/а исто така.

Затоа што еден ден, вашите деца ќе се отселат и повторно ќе бидете само вие двајцата.

Јас секогаш ќе му давам приоритет на бракот, подеднакво како на тоа да бидам мајка, а некои денови можеби дури и малку повеќе“.

С. С. | Црнобело