„Работи кои реков дека нема никогаш да ги направам како родител, a сега ги правам“

„Велев дека никогаш јас нема да ја користам фразата ‘Затоа што јас кажав така’ и наместо тоа секогаш ќе им објаснувам сè на моите деца. Но, по 3-4 пати објаснување на истите работи, навистина се уморувам и ја користам оваа фраза“.

Дали кога ќе видите дете кое плаче и вреска во јавност, веднаш си помислувате дека тоа е вина на родителите и лошото воспитување од нивна страна?

Ако е така, тогаш најверојатно ќе го промените своето мислење кога ќе станете родители и вие самите.

Луѓе на Редит споделуваат вакви искуства.

Искуства на тема „Работи кои реков дека нема никогаш да ги направам како родител, a сега ги правам“:

„Како гледав порано на тантрумите и врескањето на децата на јавни места? Си мислев дека ако не знаат како треба да се однесуваат децата на јавни места, тогаш родителите не треба да ги носат таму.

Но, како родител сфатив дека единствениот начин да ги научиш децата како да се однесуваат на јавни места е да ги однесеш таму“.

„Велев дека никогаш јас нема да ја користам фразата ‘Затоа што јас кажав така’ и наместо тоа секогаш ќе им објаснувам сè на моите деца.

Но, по 3-4 пати објаснување на исти работи, навистина се уморувам и ја користам оваа фраза“.

„Кога ќе видев како родители го носат своето дете во фаза на тодлер, врзано со сигурносен ремен за деца, си мислев какви монструми го прават ова.

Сега, кога сум родител на тодлер, комплетно ги сфаќам зошто ги носат децата врзани со ваков ремен на јавни места“.

„Велев моите деца никогаш нема да јадат пица и нездрава храна.

Сега, имам деца кои се проблематични околу исхрана и да, го јадат тоа“.

„Велев дека моите деца нема да гледаат ништо на eкрани и само ќе кажам ха-ха-ха. Давањето телефон/таблет понекогаш ме спасува од вистинско лудило“.

„Тврдев дека моето дете никогаш нема да спие на спална со мене, туку во своето креветче.

Но, доење, будење на секои 2 часа, станување и легнување од креветот и сфатив дека јас не го можам тоа. По толку бессони ноќи, го избрав полесниот пат – да спие до мене“.

„Ги осудував родителите кои гласно ги воспитуваат децата во јавност, но сега ги сфаќам, понекогаш е неопходно“.

С. С. | Црнобело