„Патување без деца? Да! Бевме со сопругот во Рим и ни беше како втор меден месец“

„Рим, само ние двајца. Чекавме 4 години. Четири години за да побегнеме од улогата на родители и накратко да бидеме само пар. И на крај успеавме. Втор меден месец! Ах, и тоа каков! Еспресо на плоштад, вечера без стрес, скитање без план. Спиевме до кога сакаме. Не моравме да се грижиме за рутините, ниту за распоредот на дремките...“

Мајка на две деца од Србија на Инстаграм потпишана како „Mamaceut“ постојано споделува искуства и совети од родителството.

Овој пат таа се фокусира на патувањата без деца и зошто тие се корисни за бракот.

Нејзината објава гласи:

„Ни беше потребно.

Рим нè потсети дека не сме „само родители“. Дека е во ред да се земе пауза. Дека љубовта бара простор за да дише.

И не, не мислам дека секое патување мора да ги вклучува децата за да биде правилно или вредно.

Постојат патувања што едноставно значат повеќе кога сте само двајца. Само пасош, ранец и раката на оној што го сакаш – без дополнителна опрема.

Не мораш да го водиш детето на секоја фонтана, музеј или светски плоштад за да бидеш добар родител.

Најдобрите спомени за децата не се разгледувањата, туку играта, одморот и слободата.

Ова не е повик за бегање од децата. Ова е потсетник дека повремено треба да се вратите - на себе. И еден на друг.

Патување без деца? Да! И тоа без грижа на совеста.

Рим, само ние двајца.
Чекавме 4 години. Четири години за да побегнеме од улогата на родители и накратко да бидеме само пар. И на крај успеавме.

Втор меден месец! Ах, и тоа каков!
Еспресо на плоштад, вечера без стрес, скитање без план.

Спиевме до кога сакаме.
Не моравме да се грижиме за рутините, ниту за распоредот на дремките.

Инстаграм постојано ми ја продава идејата: „Патувајте секаде со деца!“

Но, искрено? Не сум сигурна дека се согласувам. Ниту дека тоа секогаш има смисла.

Гледам мали деца во Рим...

Температура од 35 Целзиусови степени.
Турканици.
Скали насекаде.
Спиење во колички.
Престимулираност.
Мини хорор за сите вклучени.

Не се сите патувања вредни за таа борба.

Детето нема да ја памети Фонтаната Ди Треви, но ќе го памети заедничкото летување на море, играта во песокот и прошетката во шумата.

Патувајте со децата, но и без нив – ако сте во можност.
Едното не го исклучува другото.

Патувањата без деца се вложување во вас... Во бракот, во партнерството, во љубовта.

А кога ќе се вратите дома, повторно сте нивни. И сте уште подобри од претходно!“

С. С. | Црнобело / фото: depositphotos.com