Кога се родила била долга колку четка за заби, а сега го слави првиот роденден

Пред една година кога се родила Нова била долга колку четкичка за заби. Имала само 10 % шанси за да преживее.

Сепак, ова девојче на среќа и радост на своите родители, успеала да закрепне и овие денови да го прослави својот прв роденден.

Нова Џонсон е родена во 27-та недела кога на родителите им било соопштено дека нејзиното заздравување ќе биде многу тешко и напорно.

Мајката Џенифер, сестрите Тамара (19), Фиб (16), Ава (7) и таткото Даниел биле постојано до неа.

Напредувала многу бавно, бидејќи кога се родила тежела едвај 450 грама, но не се предавала.

Точно 101 ден траело нејзиното заздравување во болница, по што е пуштена на домашна нега. Сестрите ја дочекале со посебна радост, а од тој момент напредувала сè повеќе и повеќе.

Волјата за живот, но и љубовта и грижата на семејството ѝ дале сила да издржи, да се избори и сега да биде нормално слатко девојче кое наполнило 1 година.