Зошто сакам моите синови да ме гледаат гола?

Рита Темплетом има 4 сина и вели дека пред нив гордо шета потполно гола. Оваа мајка смета дека тоа е сосема нормално и дека само на тој начин ќе ги научи синовите како изгледа вистинското женско тело...

Иако дечињата се се уште мали, таа сака да им објасни дека цврстите гради и рамните стомачиња не се стандард за женската убавина. Затоа, често пати вратите од спалната и бањата се отворени, и не се крие додека се пресоблекува или тушира.

- Моите синови се мали, па скришно не гледаат магазини со голи жени. Но, пред тоа да се случи, пред да видат исфотошопирани совршени задници и цврсти гради, сакам да им покажам едно поинакво женско тело. Моето, вели Рита.

Таа објаснува дека тоа го прави со една цел - нејзините синови да не очекуваат дека жената изгледа совршено, затоа што ниту една девојка нема да биде „доволно добра“ за нив во иднина.

- Помеѓу нас, незадоволна сум со изгледот на моето тело по 4-та бременост, но заради моите момчиња понекогаш лажам. Кога ќе ме прашаат за стриите, гордо им објаснувам дека бременоста е тешка и дека се гордеам со „значките“ кои ги заслужив. Колку и да сакам да избегам и да облечам огромна маица кога ќе ми го допрат стомакот - не го правам тоа. Затоа што сакам да знаат дека телото е прекрасно, дури и ако не е совршено.

Таа не планира засекогаш да ги задржи овие навики и свесна е дека некогаш ќе мора да го прекине тој однос со своите синови. Но, додека нејзините деца не пораснат, таа ќе настојува да им го објасни несовршеното тело.