Еден татко пронашол писмо од непознато девојче. Неговиот одговор е трогателен!

Врската помеѓу таткото и ќерката е нешто посебно. Колку и да се храбри и силни мажи, ќерката е нивна најголема слабост пред која секогаш попуштаат.

Еден татко случајно добил порака од некое непознато девојче упатена за нејзиниот татко. Па се решил да одговори како што секој татко би ѝ одговорил на својата ќерка.

„Драга Стеф,

Во саботата пред влезот на мојата гаража најдов фрлена кеса која мислев само да ја соберам и да ја фрлам, но не го направив тоа.

Кога престана дождот поминав покрај гаражата за да ја соберам, но забележав дека не е кеса, туку испишано парче хартија.

На него пишуваше: „Тато, те сакам. Ми недостигаш многу. Стеф“

Размислував за тоа цел ден. Размислував за тебе, за твојот татко, за тоа што се случило и зошто не сте заедно. Претпоставив дека татко ти починал.

Размислував за тоа и додека ја успивав ќерка ми, додека другата ја носев на балет... Се прашував дали си сакала да му ја пратиш пораката на татко ти, но тогаш помислив дека штом стигнала до мене тоа може да биде и некој начин за одговор од твојот татко, затоа што и јас сум татко.

Сфатив дека моите три ќерки еден ден нема да можат да ме довикуваат од скалите, да ми седнуваат во скутот додека читам или да ми се јавуваат и да ми праќаат пораки.

Можам да ги замислам и нив дека еден ден ќе испратат писмо како твоето. Знам дека ако тоа се случи, сакам некој татко да им одговори.

Затоа еве неколку работи кои би ти ги кажал ако ти бев татко.

Секогаш те сакав

Од првиот момент кога те земав во раце знаев дека нема да имам посилна врска во животот од онаа со тебе. Знам дека знаеш, но сакам да ти кажам уште еднаш: „Те сакам! Вчера, денес и утре. Засекогаш“.

Бескрајно сум горд на тебе

Знам дека татко ти би сакал да ти каже „Многу сум горд на тебе! Ти си прекрасна жена!“ Знам дека би сакал да ти каже дека сака да биде со тебе сега. Сака да го живееш животот исполнет со љубов и среќа. Се надевам дека така живееш.

Сакам да живееш добар живот

Ако можеш да го промениш светот, направи го тоа. Ако можеш да се промениш себе на подобро, направи го тоа. Немој да дозволиш работата да ти биде сè во животот. Направи место за семејството и пријателите. Биди среќна.

На крај, драга Стеф,тоа што толку многу го сакаш својот татко е знак дека и тој те сакал тебе. Тој сега не е тука, но прифати ја љубовта која ти ја даваат другите. Никој нема да те сака како твојот татко , но ако им допуштиш, некои други луѓе ќе го видат во тебе, она што тој го видел.

Љубовта е силна колку и смртта. Подеднакво непобедлива, моќна и силна. Смртта не може да се избегне. Нема да биде заборавена, а кога смртта ќе помине љубовта сепак останува.“