13 Видови на мајки кои ги среќаваме во парковите

За родителите паркот е омиленото место во кое ќе можат да се одморат, додека нивното детенце безгрижно трча наоколу и си игра со другарчињата.

Но, освен веселите дечиња, низ парковите можат да се сретнат и разни видови на мајки, кои сигурно до сега сте ги виделе во парковите, а еве дел од нив:

1. Мама во тренд

Паркот е нејзината модна писта, таа секогаш е средена од глава до петици и изгледа како штотуку да излегла од моден салон. Оваа мајка ги привлекува сите погледи во паркот, а никогаш нема да ја сретнете без шминка.

2. Мама забавувач

Оваа жена умее со деца и знае како да ги забавува. Обично таа е обиколена од сите деца и им раскажува разни приказни, трча со нив, си игра со топка или заедно со децата играат криенка.

3. Мама репортер

Во нејзината рака секогаш има мобилен подготвен за фотографирање или професионален апарат со кој си го фотографира своето детенце. Директно од паркот ги објавува веднаш фотографиите на социјалните мрежи.

4. Хеликоптер мама

Овие мајки не можете, а да не ги забележите. Тие секогаш се над своите деца и не ги испуштаат од вид. Не дај Боже, детето да се сопне и падне, бидејќи тие веднаш полетуваат накај него.

5. Зафатена мама

Оваа мајка секогаш е со мобилниот телефон и пишува пораки или води долги разговори, а нејзиното дете секогаш ја довикува од игралиштето.

6. „Дозволено е сѐ” мама

Нејзе не ја интересира дали детето јаде песок, има кондури или оди боси, бидејќи во нејзината глава сето тоа е процес од растењето и воспитувањето.

7. Мама дипломат

Таа е секој ден во паркот и знае сѐ за децата и нивните мајки. Кога во паркот се појавува нова личност, најпрво таа и приоѓа за да ја воведе во друштвото.

8. Мама полицаец

Секогаш се грижи дали се сите безбедни, дали лулашките се во ред и води внимание за домашните миленици и не дозволува да им пријдат на децата.

9. Осамена мама

Таа не сака да стане редовен член на друштвото мајки и секогаш се држи на страна од сите. Не ја интересираат другите луѓе, туку само нејзиното дете.

10. Мама бранител

Не е возможно нејзиното дете да биде причина за тепачка во игралиштето или да направи нешто лошо. Едноставно не можете да докажете. Мама бранител до крај ќе го брани своето дете, бидејќи е најдобро.

11. Рамнодушна мама

Нејзиното дете е едно од најмирните во паркот, а по нејзиното мислење парковите служат за детето да ја исфрли својата енергија. Па така, не очекувајте да го смирува детето кога тоа ќе започне да беснее.

12. Мама готвач

Нејзината чанта и количка се преполни со бисквити, сендвичи, шишенца со вода, сокчиња и секогаш со неа си носи вишок пелени. Кога оваа мајка е таму секогаш сте сигурни дека на ниедно дете нема ништо да му недостига.

13. Заменска мама - згоден тато

Не само што изгледа добро, туку тој е уште попривлечен кога го шета своето детенце. Мајките не го тргнуваат погледот од него, а секако и тој не останува рамнодушен. Токму и затоа е чест посетител во паркот.