9 Знаци кои покажуваат дека вашето дете е разгалено

Се сомневате дека можеби вашето дете е разгалено? Препознајте ги најчестите „симптоми” и реагирајте на време...

Бебето не можете да го разгалите со прегратки, со премногу внимание и галење, но кога детето ќе порасне овие работи можат да произведат контраефект.

Овие 9 знаци покажуваат дека вашето дете е разгалено:

1. Не сака да си игра само

До својата 4-та година, детето треба да биде способно самото да си игра. Доколку цело време ве бара вас да си играте, тоа е знак дека има потреба за претерано внимание.

2. Себично дете

Уште кога е детето мало важно е да го научите да не биде себично и да ги дели своите работи. Веќе во 4-тата година, детето треба да знае да ги дели играчките и чоколадите со своите врсници, како и со останатите луѓе во неговата околина.

3. Ве игнорира

Ниту едно дете не сака кога не му дозволувате нешто, но никако не смеете да дозволите да ве игнорира кога му се обраќате.

4. Често ве срами во јавност

Ако детето умее да направи драма само за да му купите играчка и успева да ве посрамоти во јавност, тогаш дефинитивно имате работа со разгалено дете.

5. Морате да се служите со уцени

Детето треба да го научите да ги исполнува своите секојдневни обврски, без да морате да му ветувате дека ќе добие некоја награда ако го направи тоа.

6. Те молам, направи го тоа...

Родителот треба да биде авторитет, а детето треба да го послуша кога нешто ќе му биде кажано. Во ниеден случај не треба да го молите да прави нешто. Ако сепак го молите, тогаш станува збор за разгалено дете.

7. Вечно незадоволно

На разгаленото дете невозможно е да му угодите, бидејќи тоа никогаш нема да биде задоволно со тоа што го има.

8. Мал манипулатор

Разгалените деца не успеваат да ги разликуваат врсниците од родителите, па често очекуваат сите да ги слушаат нив. Затоа, овие деца се служат со манипулации за да ги контролираат возрасните.

9. Чести напади на бес

Еден од најсигурните знаци дека имате работа со разгалено дете се честите напади на бес, без разлика дали тие се случуваат дома или во јавност.