Децата од повозрасни мајки се поуспешни во животот

Меѓународно истражување покажува дека повозрасните мајки раѓаат поздрави и поуспешни деца од оние кои ги родиле пред да наполнат 19 години.

Општо познато е дека кај мајките кои се тинејџерки или пак постари од 35 години постои зголемен ризик од предвремено пораѓање или проблеми со здравјето.

Меѓу другото ова истражување додава и дека забавено се развиваат и поголема е веројатноста дека нема да завршат средно училиште.

Каролин Фол, научник од Универзитетот во Саутхемптон, истражува какво влијание има староста на мајките при пораѓањето на развојот на децата.

Истражувањето направено е на 19.403 деца во пет земји со различен приход: Бразил, Гватемала, Индија, Филипини и Јужноафричка Република.

Податоците за датумот на раѓање на мајките и развојот на децата за секоја земја, собирани се во период од 1969 до 1989 година.

Мајките во просек се стари околу 26 години. Жените во Бразил се најмлади 25,8 години, а во Гватемала најстари со 27,2 години.

Децата на оние мајки кои имале до 19 години имале за 20% до 30% поголем ризик да се родат прерано и 30% до 40% да имаат застој во развојот и потешкотии да завршат средно училиште.

Во истражувањето биле вклучени и други фактори кои би можеле да влијаат на бавниот развој како: образованието на мајките, социјалниот статус и друго.

Сепак, предноста останала за повозрасните мајки.

Она што му  недостасува на истражувањето се податоци за: „генетските фактори, исхранувањето на мајките за време на доењето и пушачките навики“ - , потенцира Каролин.