Како 11-годишната ќерка ме научи да му простам на сопругот кој нè напушти?

Приказната на една мајка која беше објавенa како Фејсбук статус, сосема неочекувано предизвика лавина од позитивни коментари и се прошири како животна лекција.

Во продолжение ви ja пренесуваме во целост:

„Мојата ќерка не го видела својот биолошки татко од својата 4-та година, а сега има 11. Кога имаше само 2 години нејзиниот татко ме контактираше и ме замоли правно да ги решам сите родителски права за да не мора тој да плаќа законски одреден месечен износ. Се согласив. Сакав да ја заштитам мојата ќерка од болката која тој и ја нанесе во животот појавувајќи се и исчезнувајќи кога и да посака. Жртвувањето на финансиската помош беше мала цена која требаше да ја платам за да не дозволам да ја разочара повторно со своето заминување. Никогаш не ја лажев каде е нејзиниот татко и што прави. Секогаш одговарав на нејзините прашања толку искрено колку што можеше да разбере за годините.

Меѓутоа, тој повторно ме контактираше кога таа имаше 4 години. Ми откри дека му дијагностицирале рак и сега чувствува потреба да си го види своето дете. Договоривме ден кога ќе се сретнеме во еден парк. Сè што бараше беа 2 часа со неа. Сепак, по 20 минути си замина. Од тогаш не се јави.

Ова лето наидовме на негови познаници кои искоментираа колку ќерка ми личи на неговите други деца. Ни раскажаа дека конечно се смирил и создал семејство. Стомакот ми се стегна мислејќи на тоа колку му е тешко на моето девојче да го слуша овој разговор, па брзо го завршив.

Сепак, кога влеговме во автомобилот таа се смееше.

Само ми рече: Мамо, тој конечно научил како да биде татко. Тоа е прекрасно. Среќна сум за неговите деца.

И тоа беше денот кога мојата 11-годишна ќерка ме научи сè што треба да знам за простувањето.“