Мајка сум, но ги поддржувам жените кои не сакаат да имаат дете

Да се биде мајка е подеднакво магично, но и застрашувачко искуство кое не е за сите. Ова посебно важи за оние кои не се подготвени да станат мајка. За жал, гледам други жени кои се критикувани за својот избор.

Неодамна прочитав еден есеј од жена која објаснува зошто не сака да стане родител, а нејзините коментари беа негативно критикувани. Луѓе и дадоа епитети како „себична“, „несигурна“...

Но, зошто жените мораат да станат мајки, ако не се подготвени за тоа?

Да се биде мајка, значи дека цело време ќе бидете посветени – бесконечно да се жртвувате, да бидете трпеливи и дисциплинирани.

Се молев да бидам благословена со семејство и благодарна сум што го добив пред да наполнам 30. Но, морам да кажам дека немав никаква идеја за тоа колку истото ќе биде напорно, заморувачки, лудо. Ви се чини како бескрајна работа.

Имав некакви лажни илузии за тоа како ќе изгледа: моето новороденче постојано ќе дреме, додека јас работам. Реалноста е сосема поинаква. Ретко имав можност да седнам или да пешачам, моите брадавици крвавеа и туширањето беше ретка фантазија. Зачудувачки е како едно така мало суштество може да создаде куп облека за перење.

Не спиев 6 месеци. Покрај мене беше ова беспомошно дете кое бара постојана грижа и кое целосно зависи од мене. Целото мое тело и ум беа опседнати со чистење, доење, грижа... Од друга страна, мојот ум беше како под дрога од безграничната љубов која ја чувствував во себе.

Токму затоа, според мене обвинувањето и етикетирањето на жените кои немаат и не сакаат да имаат деца како „себични“ е уште еден начин на срамење и критикување на жените кои не сакаат да ги прифатат родовите улоги. Забораваме дека постои избор да се стане мајка, а не молитва на женскиот род.

Се сеќавам како се чудев кога првпат чув една девојка која вели дека никогаш нема да има деца, додека јас сонував со големо семејство.

Но, сега сфаќам дека да се биде мајка е избор.

Никој не им кажува на младите девојки дека може да имаат поинаков избор од тоа да се биде мајка. Дека на светот постојат и други работи кои може да ги искусат. Никој не кажува дека е сосема во ред да сакате да се фокусирате само на вашиот партнер, миленик, кариера, хобија или едноставно да бидете слободни од одговорностите на мајчинството.

Без разлика на тоа која е вашата причина да не бидете мајка секој треба да го почитува тоа.

Да се нема деца може да биде вистинскиот избор.

Вие можете да бидете комплетна жена и без да бидете мајка.

Историски гледано, жените биле принудени да се изгубат себеси и својата личност за да се посветата само на грижата и воспитувањето на децата.

Јас лично себеси си дадов време пред да станам мајка. Искусив различни животи, различни континенти и различни верзии на мојата личност.

Јас одбрав да бидам мајка и тоа е убав избор, но не значи дека е единствениот избор кој го имаат сите жени на светот. Тоа не значи дека е правилниот избор за сите жени на светот.