Кога не верувате во себе, тука се вашите мајки да го направат тоа за вас

Светот е сурово место за живеење, посебно кога сте дете и не знаете како да се обраните од сите препреки кои животот постојано ви ги поставува. Но, затоа тука се мајките, да се грижат за вас, да веруваат и да ви покажат дека во секој од вас се крие генијалец.

Да не била упорноста и вербата на мајката на Томас Алва Едисон, светот денес сигурно ќе беше сосема поинаков.

Еден од најпознатите американски пронаоѓачи со изуми како фонографот, микрофонот, акумулаторот, електричната светилка и телефонот можеби немало да постигне ништо од тоа, да не била неговата мајка.

Еден ден малиот Томас си дошол од училиште носејќи ѝ на мајка си парче хартија, кажувајќи дека му го дала учителката и му кажала да не го дава никому освен на мајка си.

Можел да забележи како очите на мајка му се полнат со солзи како што таа го читала писмото на глас: „Вашиот син е генијалец. Ова училиште е премногу мало за него и нема доволно добри наставници за да му го пружат образованието кое му е потребно. Ве молиме подучувајте го вие дома“.

Многу години по смртта на неговата мајка, кога Едисон веќе станал еден од најголемите пронаоѓачи на неговото време, претурајќи низ семејните работи случајно налетал на писмото од неговата учителка. Во него пишувало: „Вашиот син има ментална болест. Не можеме да му дозволиме да посетува настава заедно со нормалните деца“.

Едисон останал со писмото в раце плачејќи, за подоцна во неговиот дневник да напише: „Томас Алва Едисон беше дете со ментална болест кое благодарение на мајката - херој, стана еден од најголемите генијалци на векот“.

М. С. | Црнобело