Детето нахрани го, воспитај го и пушти го...

Кој вели дека децата порано не биле сакани? Биле сакани ѝ тоа како, но во центарот на семејството тогаш не биле децата.

Децата биле сакани, но уште од своите први чекори биле учени дека се само еден мал дел од огромниот универзум кој се вика „семејство“. Биле учени дека постојат постари кои треба да се почитуваат, а постојат и помлади за кои другите се грижат.

Денес пазарот сервира модел на семејство во чии центар се наоѓа детето. Очигледно губитничка стратегија која постои само за да се земат повеќе пари од семејствата. Пазарот не сака семејството да постои како една целина, бидејќи членовите така си се доволни сами на себе.

Од таа гледна точка идеален татко не е оној татко кој слободното време го поминува со своето дете, го шета во парк или го учи како да вози велосипед... Идеален татко е оној кој нема слободно време, кој постојано работи за двочасовна посета на аквапарк.

На еден начин, зборот „сакање“ може да се замени со било кој друг, како: „игнорирање“, „рамнодушност“... Таа љубов е еден облик на егоизам.

Незаинтересирана мајка, татко работохолик - сè се сведува на ништо друго освен нагони.

Една прекрасна индиска поговорка вели: „Детето е гостин во твојот дом: нахрани го, воспитај го, пушти го“.

Да го нахрани - може секој, да го воспита - малку потешко, но да го пушти? Да можете да пуштате дел од себе уште од првите моменти на детето, е тоа е вистинска љубов.

Н. Г. | Црнобело