Тврдините од перници и ќебиња се најубавиот дел од детството

Правењето на засолништа и измислени домови не се само обична игра на децата, туку и порив кој го делат сите малечки и природен дел од развојот.

Дали некогаш сте правеле тврдина од перници или ќебиња? Тајна колиба или некоја мала куќарка? Замок од снег? Ако одговорот е позитивен, сигурно се сеќавате колку многу уживавте во тоа што сте создале сопствен простор во кој владеат ваши правила.

Градењето на некаква импровизирана куќарка не е само обична детска игра, туку природен дел од развојот на секое дете, како што објаснува Дејвид Собел од Универзитетот Антиох.

Во целиот свет децата градат свои посебни места – во шуми, близу реките, од снегот, па и во својот дом, во дворот или гаражата.

„Некогаш децата имаа повеќе можности да прават свое засолниште. Денес таа потреба останала, но приликите исчезнаа“ – забележува тој.

Децата повеќе се онлајн отколку надвор. Помалите немаат што да научат од постарите деца, бидејќи повеќе не се дружат, па традиционалното пренесување на игрите од генерација на генерација се изгуби.

Токму во одреден период секое дете има потреба да ја изрази својата независност, а градењето на засолниште го задоволува тој порив. Така сите деца стануваат позрели, независни и учат подобро да соработуваат и преговараат.

Па, како да им помогнете да ги изразат овие потреби?

Почнете рано

Покажете им на децата што можат да направат само од неколку ќебиња или перници, а потоа сами ќе започнат да откриваат нови начини за градење на засолниште.

Погрижете се да имаат простор

Обезбедете им доволно слобода каде ќе можат да ја изразат оваа потреба.

Помогнете им, а потоа повлечете се

Подбутнете ги малку на почетокот, а потоа оставете ги сами да ги изразат своите фантазии и потреби.

Н. Г. | Црнобело