Мајка критикувана зошто на Инстаграм објавила фотка од 10-месечната ќерка во костим за капење

Една мајка вели дека Инстаграм славата на нејзината ќерка, Миа Бирн е поголема отколку што некогаш претпоставувала дека ќе биде, па продолжува со објавување на фотографии, но на социјалните мрежи се соочила со критика дека ја сексуализира својата ќерка.

Бебето кое е само 10 месеци старо добива голем број на лајкови дури и од славни личности како Клое Кардашијан и има над 124.000 следбеници Инстаграм профилот кој мајка ѝ го направила за неа.

На профилот можете да најдете фотографии од малечката Миа во бикини, имитација на крзно и дизајнерски брендови.

Нејзината мајка, Ејми Мекиндол вели дека никогаш не очекувала нејзината ќеркичка да има толкава слава, па решила да продолжува да објавува фотографии од неа.

„Сето ова започна само за забава“ - вели гордата мајка.

„Започнав да објавувам фотографии од неа кога имаше само 3 месеци и веднаш доби околу 10.000 следбеници, а до Божиќ бројката се зголеми на 50.000“.

„Тоа е затоа што Миа е уникатно бебе, а луѓето сакаат да ги гледаат нејзините фотографии за да откријат каде можат да ги најдат парчињата облека кои ги носи“ - вели мајката.

Добиваат позитивни критики, но од неодамна многу луѓе на социјалните мрежи изјавиле дека со облеката која ја носи малечката Миа, мајка ѝ ја сексуализира.

„Реакциите кои ги добиваме во главно се позитивни, но некои луѓе велат дека облеката не соодветствува за нејзините години и дека не треба да ја носи, но едноставно не обрнувам внимание на критиките“ - објаснува мајката.

Овие реакции је јавиле посебно откако бебето било фотографирано во костим за капење.

„На еден негативен коментар доаѓаат илјадници позитивни. Некои луѓе едноставно не разбираат што правам“ - заклучува мајката.

• 
• 
• 
• 
• 
• 
• 
• 
• 
• 
•  

Н. Г. | Црнобело