Не сака да си игра само: 10 знаци дека вашето дете е разгалено

Велат дека не можете да го разгалите детето со држење, лулање и преголема грижа за него, но кога веќе ќе наполни 3 години, а вие продолжувате да претерувате, тогаш има шанси вашето дете да стане разгалено.

Ако веќе сте го разгалиле, тогаш намалете со добрината и покажете малку авторитет. Никој не сака разгалени деца - а уште помалку разгалени возрасни. 

Ова се 10 знаци дека сте претерале:

1. Постојано има напади на гнев

Ова е еден од најчестите знаци по кои може да препознаете разгаленост. Детето постојано вика плачејќи, без разлика дали сте дома или во јавност.

2. Никогаш не е задоволно

Разгалените деца честопати не можат да изразат задоволство за она што го имаат. Ако видат дека некој друг има нешто поубаво, тие веднаш ќе го посакаат и тоа.

3. Не помага

Ниедно дете не сака да чисти, но кога веќе ќе наполни 3 години, детето треба да има желба да помага со помали задачи – како средување на играчките и соблекување на чевлите.

4. Се обидува да ги контролира и манипулира возрасните

Разгалените деца честопати не прават разлика меѓу нивните врсници и возрасните. Тие очекуваат дека сите ќе ги слушаат во секое време.

5. Постојано ве посрамотува во јавност

На секое дете му се случува да направи сцена во јавност, но тоа е еднаш или двапати, но кога ве посрамотува јавно и намерно само за да добие внимание, тогаш ситуацијата е поинаква.

6. Не сака да споделува

Еден од најтешките концепти за децата е споделувањето. Без разлика што треба да споделат, малечките дечиња ретко дека ќе се осудат да го направат тоа. Но, кога веќе ќе наполнат 4 години тие треба да имаат волја да ги споделуваат своите играчки со нивните пријатели и браќа или сестри.

7. Мора да го молите

Родителот или старателот е фигура на авторитет и треба да биде послушан кога тој/таа нешто ќе побара. Вие никако не смеете да го молите детето за да направи нешто – тоа само треба веднаш да ве послуша.

8. Ве игнорира

Ниедно дете не сака да го чуе зборот „не“, но не смее да ве игнорира кога му зборувате.

9. Не сака да игра само

Кога детето веќе има полни 4 години треба да има желба и волја да си игра само одреден период. Потребата од родител или некој со кој може да си игра само ја демонстрира неговата желба за внимание.

10. Мора да го подмитувате

Родителите не треба да го подмитуваат своето дете користејќи пари, играчки, храна или било што друго за да го натераат нивното дете да направи нешто.

С. С. | Црнобело