Таа која секогаш ќе му ја отвори вратата...

Еден ден мажот и жената одлучиле дека никому веќе нема да му ја отвораат вратата и нема да дозволат никој да влезе во домот.

Следното утро токму звукот на ѕвончето било тоа што ги разбудило од мирниот сон.

Двајцата станале и ѕирнале низ шпионката забележувајќи дека пред вратата стојат родителите на мажот.

- „Нема да ја отвориме врата“ – си рекле, решени да се придржуваат до дадениот збор. По некое време родителите на мажот си заминале.

После некое време некој повторно заѕвонил на вратата. Повторно и двајцата погледнале. Овојпат пред вратата се наоѓале родителите на жената.

И овој пат решиле дека ќе се придржуваат до дадениот збор и нема да отворат, но жената почнала да плаче.

Мажот се нажалил и ја отворил вратата.

Поминало многу време од оваа случка... оттогаш семејството се проширило и добило четири сина.

Но, петтото дете – ќерката – била таа која најмногу го израдувала мажот.

Веднаш по нејзиното раѓање тој приредил голема гозба токму во нејзина чест.

Кога пријателите го виделе сето тоа не можеле, а да не прашаат:

- „Зошто толку многу се радуваш? Не беше толку радосен за ниту еден од синовите.“

Тој само се насмеал и им одговорил:

- „Се роди таа која ќе ми ја отвори вратата...“

М. С. | Црнобело