Мајка и ќерка во авантура за создавање сеќавања, пред девојчето целосно да го изгуби видот

Додека повеќето луѓе имаат листа на нешта кои би сакале да ги направат во животот, ова девојче и нејзината мајка имаат пред себе листа на места кои сакаат да ги посетат пред малото девојче целосно да го изгуби видот.

Кога Кајли имала 2 години, на родителите им било соопштено дека таа има ретко генетско нарушување наречено фамилијарна ексудативна витреоретинопатија (FEVR) која резултира со постепено губење на видот.

Бидејќи во моментов не постои да се излекува оваа ретка болест, нејзината мајка, Катрина Фрост, решила нејзината ќерка да посети колку што е можно повеќе места, за боите и светлата да останат врежани во нејзиното сеќавање дури и кога таа нема да биде во можност да ги гледа.

Мајката создала и посебен фонд за собирање средства на „GoFundMe“ и досега успеала да ја исполни најголемата желба на Кајли - да се запознае со Снежана и Бела во „Дизниленд“.

Исто така, тие уживале на брегот на Калифорнија и имаат во план да го посетат националниот парк „Редвуд“.

Листата на активности кои Кајли ги има во план вклучува кампување, риболов, како и часови по цртање и готвење.

• 
• 
• 
• 
• 
• 
•  

М. С. | Црнобело