Во Франција официјално е нелегално тепањето на децата

Сите го знаеме она дека „Ќотекот излегол од рајот“. Тогаш Франција дефинитивно не е рајот за родители кои веруваат дека потчукнувањето по задникот, плескањето по рачиња и тегнењето на косичката кај дечињата има позитивен ефект во воспитувањето кај децата.

Истражувањата покажале дека децата не учат ништо од ќотекот макар и во најблага форма, напротив, тие се инспирираат на насилство и возвраќаат на истиот начин.

Франција реши да заземе цврст став по однос на ова прашање и на 22-ри декември 2016-тата година, францускиот парламент го донесе законот кој забранува секаква форма на ќотек врз децата.

Физичкото насилство врз децата е нормално одамна законски регулирано и забрането во многу држави низ светот. Но, овој закон кој специфично е насочен кон благото потчукнување и плескање на дечињата со цел да се научат на ред и дисциплина, и се класифицира повеќе како граѓански прекршок, отколку како криминален.

Од друга страна, во САД, Велика Британија, Италија, Чешка и Швајцарија сè уште не е законски забранета ваквата форма на воспитување на децата, чии жители веројатно веруваат дека малку тепање никогаш не штети.

Дали вие верувате дека тепањето на децата ги решава проблемите и подобро ќе ги воспитате своите деца со негова употреба?

(О)Милена | Црнобело