Зошто босите деца се поинтелигентни кога ќе пораснат?

Само затоа што вам ви е ладно, не значи дека истото важи и за вашите најмили. Родителите кои на бебињата и малите деца постојано им облекуваат чорапи и чевли, не сакајќи го ограничуваат развојот на нивната интелигенција.

До ваков заклучок дојдоа научниците од Универзитетот во Мадрид, а го претставија во едукативниот проект „Босите деца се поинтелигентни деца“. Ова пред сè се однесува на децата кои се на мала возраст.

Своите тврдења ги поткрепуваат со неколку аргументи:

1. Пред сè, од невролошки аспект, стапалата на малите бебиња се далеку почувствителни од останатите делови на телото, сè до осмиот или деветтиот месец. Поради тоа, препорачливо е да не ги покривате.

2. Според тврдењата на експертите, во првите месеци од животот, стапалата имаат задача да го „информираат“ бебето за сè што e поврзано со надворешниот свет. Подоцна, ги фаќаат со рацете и ставаат во уста, каде што се најосетливите нервни завршетоци.

3. Истражувањето јасно покажало и дека облеката и обувките ги спречуваат да експериментираат, да ги допираат своите стапала, да ги проучуваат и слободно да ги движат. Сè од наведеното, секако, се сензорни доживувања кои го поттикнуваат развојот на интелигенцијата кај бебињата и им помагаат да го запознаат светот околу себе.

Според резултатите од направеното истражување, единствената оправдана причина поради која би требало да ги покривате детските стапала е преголемиот студ. Затоа, не им облекувајте чорапчиња и чевлички на вашите деца само затоа што се слатки, туку ако во просторијата во која престојуваат е навистина студено, советуваат научниците.

М. А. | Црнобело