Сите се твои? Сите се од ист татко? – Безобразни прашања со кои се соочува мајка на 6 деца

Млада мајка на 6 деца кои имаат помалку од 6 години, отвори свој профил на кој ги објавува сите досадни и чудни прашања кои секојдневно ѝ ги поставуваат.

Крешел Картер која има 27 години изјавила дека иако е тешко да се има 6 мали деца, сепак она со што најтешко се справува се непосакуваните коментари на луѓето.

„Вистинска борба е да се има 6 мали деца на млада возраст. Тешко е да се оди до продавница, да седнеме на ручек надвор, да ги однесеме сите во градинка и училиште и да исчистиме – но, нели тоа сите го прават? Она со што најтешко се справувам се коментарите на луѓето.“

На нејзиниот блог таа споделува совети и трикови кажувајќи како таа одговара на прашањата кои најчесто ѝ ги поставуваат.

„Се обидував да ги игнорирам и да не ги слушам, но ова е единствениот начин кој го смислив за да го прифатам тоа. Одлучив да им го давам одговорот кој тие всушност сакаат да го слушнат.“

Еве дел од прашањата и како таа одговорила на нив: 

- „Не се сите твои нели?!?!“

Секако дека се. Сите се родени од мојата матка и сѐ уште изгледам добро, нели душо? (погледнувајќи кон сопругот).

- „Сите ли имаат ист татко?“

Па, уште не сме ги тестирале ама прилично сме сигурни дека првите 4 се на овој дечко (покажувајќи повторно кон сопругот).

- „Имате ли телевизор?“

Всушност имаме 3, но кој ги го менувал предобриот секс за телевизор, луди ли сте?

- „Дали овој човек е твојот сопруг?“

Не, всушност мојот сопруг е дома, тој заслужува одмор – ова е мојот љубовник, Фернандо.

- „Нема да имате уште деца нели?“

Па, мојот сопруг правеше вазектомија, ако на тоа мислевте, но Фернандо, мојот љубовник нема такво нешто, па мислам дека може да имаме уште неколку деца.

И така ова може да оди до недоглед, но целта на оваа девојка е да покаже дека не е ничија работа тоа колку деца некој има.

Сите треба да се поддржуваме еден со друг или воопшто да не се мешаме во туѓите животи.

М. М. | Црнобело