3 едноставни начини да им помогнете на децата да го исправат грбот

Една од најважните работи за правилен физички развој кај децата е држењето. Еден од главните причинители на згрбавеност кај децата е носењето на ранецот полн со книги и тетратки.

Освен тежината на ранецот, треба да внимавате и на тоа како детето седи на биро додека пишува домашно или игра на компјутер.

За да ја спречите оваа појава и да им помогнете на децата да останат исправени, практикувајте ги следниве 3 начини за подобро држење:

1. Додека детето гледа телевизија или игра игри на компјутер, еден начин да остане исправено е ако седи на топка за вежбање (пилатес топка).

Топката ги зацврстува мускулите на грбот и помага за стабилност на ‘рбетот. Плус, на детето сигурно ќе му биде позабавно отколку на обично столче или фотелја.

2. Кога детето пишува домашно на биро или седи на компјутер, внимавајте на каков стол седи. Најдобро е столот да биде со тркалца, направен од удобен материјал, а најдобар избор се ергономските столови направени токму за оваа намена.

Столот треба да биде поставен на правилна оддалеченост од бирото и под правилен агол така што екранот треба да биде во права линија со главата на детето за да не се подгрбавува. Приспособете ја висината на столот да одговара на висината на детето кога пишува или црта.

3. Внимавајте на тежината на училишниот ранец на детето и извадете ги непотребните работи за да не биде преполнет.

Ранецот е најдобро детето да го носи на двете рамена, а не на едното за да не дојде до искривување на едната страна од грбот.

М. В. | Црнобело