Водич за родители: Што да правите кога сте на раб да го изгубите трпението?

Сите родители имаат „луди“ денови, особено ако децата им се помали. Цел стан е хаос, играчки на сите страни, телевизорот пуштен на цел глас, децата викаат, се бркаат итн.

И не е само дома, вакви ситуации има и додека се возите во автомобил со децата, додека сте во супермаркет или на гости. Тешко дека постои некој кој не би го изгубил трпението.

За да не „експлодирате“ и да почнете со викање, направете нешто од следниве работи од листата кои може да ви помогнат да се смирите за неколку секунди:

1. Гушнете ги дечињата.

2. Вдишете, избројте до 5, па издишете (неколку пати).

3. Правете сенки на ѕидовите со рацете.

4. Смислете некој ваш, таен поздрав со кој ќе се ракувате со децата.

5. Излезете надвор и избројте до 10, па вратете се.

6. Ако сте во автомобил, играјте некоја игра додека чекате да се запали зелено светло.

7. Кажете некој виц.

8. Скокајте по креветот заедно со децата.

9. Каснете малку чоколадо.

10. Предложете им која книга да ја читаат, или читајте им вие.

11. Ѕвонете им на баба и дедо и пуштете ги децата да зборуваат со нив.

12. Направете нешто за јадење.

М. В. | Црнобело