Зошто втората бременост е потешка од првата?

Првата бременост вообичаено е магична, затоа што е прва и сѐ ви е ново. Втората, пак, жените неретко ја нарекуваат полоша од првата. Кои се причините?

Речиси нема жена која ќе ви каже дека секоја бременост ѝ била идентична, поради што може да заклучиме дека нивната „тежина“ во голема мера зависи и од другите фактори.

Во тој контекст, постојат неколку мали „проблеми“, поради кои првата бременост е секако полесна од следната.

Па, време е да ви откриеме зошто втората бременост е потешка од првата:

Знаете што ве чека, особено на крајот.

После првата бременост веќе имате доволно свое лично искуство, а низ годините сигурно сте се наслушале и мноштво туѓи. Meѓутоа, фактот што сега имате сознание за тоа што ве очекува на крајот – нема да ви го олесни животот.

Понекогаш, подобро е да живеете во незнаење, но, за жал, тоа не функционира така кога се работи за породувањето.

Повеќе нема изговори дека ви е мака, па ништо не сте зготвиле.

Со првата бременост, можеби и сте биле во можност да ги прескокнете обврските околу готвењето, перењето и средувањето. Но, веќе со втората, повеќе не можете толку често да си пружите оддишка. Зошто?

Бидејќи сега имате дете, за кое треба да се грижите како знаете и умеете.

Хронично сте ненаспани.

Доколку детето ви е сѐ уште релативно малечко, па ни во текот на ноќта го немате потребниот мир, веројатно и самите сфаќате зошто втората бременост е потешка.

За време на првата, барем сте можеле да се одморите и наспиете тогаш кога вам ви одговара, а сега често и тоа ви е недопустливо.

Секаде го водите детето со себе.

Во текот на првата бременост, сигурно сте имале многу повеќе време за дружење и кафе средби со пријателките, или, пак, насамо да уживате во трудничките денови.

Со мало дете покрај себе, не само што задолженијата ви се чинат понапорни, туку „слободните“ мигови - помалку релаксирачки.

Обврските дополнително ве заморуваат.

За време на првата бременост, жените најчесто чувствуваат замор поради хормоните. Додека го очекуваат второто дете, пак, постојаните обврски околу семејството, плус хормоните, ги прават неописливо поуморни и поспани.

Не е ни чудо што тогаш ви е сѐ речиси двојно потешко.

Често носите две бебиња.

Кога сте бремени со првото дете, внимавате да не кревате ништо тешко. А, при втората бременост, жената честопати нема избор, па покрај тешките кеси, понекогаш го носи и другото дете во рацете.

И тоа може да биде прилично заморно.

Не се веселите подеднакво.

Ако првото дете покажува знаци на љубомора, или, пак, негодува секој пат кога ќе се спомне бебенцето во стомакот, јасно ви е зошто е потешко да ја покажете дури и радоста што воопшто сте бремени.

Полесна или потешка – секоја бременост е навистина посебно искуство во животот на една жена. Што мислите вие?

М. А. | Црнобело