Мајка решила да биде сурогат за својот син и снаата, па сама си го родила внучето

Приказната кои некои ја сметаат за симпатична, а некои за бизарна, започнува со неможноста Кајла и Коди да имаат детенце.

Кајла и Коди се во брак од 2012-та година, од кога и се обидуваат да имаат принова во семејството. Но, Кајла на само 17 години имала делумна хистеректомија, поради што сонот им бил отежнат.

Решението било да најдат сурогат мајка.

„Моите јајници се во ред и не се отстранети, што значи можам да имам дете што биолошки е мое, само немам матка во која би го носела плодот,“ раскажува Кајла.

„Затоа со сопругот моравме да користиме сурогат мајка.“

По неколку неуспешни обиди со разни кандидатки, парот решил да го земе предвид необичниот предлог.

„Со сопругот се венчавме во 2012-та и мојата свекрва секогаш се шегуваше дека ќе ни биде сурогат. По неколку неуспешни обиди за сурогат мајки да го носат нашето дете, почнавме да го сфаќаме нејзиниот предлог посериозно.“

По многу тестови и скептични доктори, мајката на Коди, Пети, очигледно била физички способна да износи здраво дете.

„Иако бевме исплашени, решивме да се обидеме уште еднаш. Во мај 2017-та откривме дека обидот успеал.“

Реакциите во кругот на семејството биле само позитивни, но луѓето однадвор биле зачудени и скептични.

„Некои луѓе сметаат дека ова е чудно, но ако го разбираат процесот, ќе сфатат дека нема ништо што не е нормално.“

За време на бременоста на бабата која си го носела сопственото внуче, парот заедно со неа направил фотосесија за спомен:

• 
• 
• 
• 
• 
• 
• 
• 
•  

М. Д. | Црнобело