Гумените играчки во бањата се потенцијална опасност за вашите деца

За родителите кои имаат мали деца веќе е јасно колку процесот на бањање може да помине полесно, доколку во кадичката се додадат неколку гумени играчки. Сепак, овој потег може да биде и опасен.

Доколку има дупчиња на играчката, водата навлегува внатре и создава влажна средина во вдлабнатините. Како што знаеме, вака се создаваат идеални услови за развој на бактерии, микроорганизми и мувла.

Веќе со следното полнење и иститснување, во водата во која се бањаат децата истекува течност која може да биде преполна со спори од мувла или со бактерии.

Помислете само на силиконските фуги околу вашата када или туш кабина и сетете се колку тешко се чистат тие – слично е и со играчките.

Исто така, колку посложена е формата на играчката, толку е поверојатно дека истата има витки и вдлабнатини каде освен вода, се собираат и остатоци од првут, влакна, микрочестички кои потекнуваат од најразлични нечистотии и средства за хигиена.

Поради ова, важно е да изберете играчки кои немаат дупчиња и не постои можност да се полнат со вода. Истите треба да се исушат добро веднаш по употребата.

Пред следното бањање, измијте ги за да избегнете префрлање на честички прашина во водата во која го капете вашето дете. Нема потреба специјално да ги дезинфицирате, но сепак најважно е да не ги користите оние кои може да се полнат со вода

С. У. | Црнобело