Духовита мајка открива како да знаете дека сте подготвени за второ дете

Кога е идеално време за второ дете. е прашање кое мајките често си го поставуваат.

Прочитајте ја листата на интересни показатели дека сте подготвени за нов член на семејството која ја има составено една духовита мајка.

Кенди Криби, мајка на две деца, добро знае дека понекогаш е тешко да се процени вистинскиот момент кога сте подготвени за второ дете. Поучена од сопственото искуство, за порталот TheMomBeat составила духовит водич според кои показатели треба да се водите за да процените дали сте подготвени за второ дете.

1. Понекогаш се расплакувате додека ја гледате првата облека на вашето дете.

2. Кога се присетувате на породувањето велите „Па, добро, можеби и не беше толку страшно да се издржат болни контракции 48 часа“.

3. Сте дошле до заклучок дека конечно сте добро одморени.

4. Не можете да одолеете да не го земете во прегратка малото бебе на своите пријатели, под изговор дека само сакате да се потсетите колку убаво мирисаат бебињата.

5. Почнувате на своето куче да му ја облекувате израснатата облека од вашето дете.

6. Се интересирате за возила со повеќе седишта. 

7. Немате никаква желба да пробате храна само со партнерот или пријателите во некој нов ресторан, бидејќи повеќе сакате да јадете во ресторан во кој заедно со храната даваат и боички за да боите.

8. Веќе имате одбрано име за второто дете. 

9. Фрлате детски играчки на под и велите „Не, куќата не е доволно затрупана со играчки“.

10. Никогаш не сте престанале да ги носите трудничките панталони.

Е. Д. | Црнобело