Го изгубила партнерот за време на бременоста, сега ја носи ќерка им на неговите омилени места

Ели и Џо биле совршен пар и по 4 години заедно го очекувале нивното прво дете и планирале заедничка иднина.

На скенот во 20-тата седмица од бременоста откриле кој е полот на детето, избрале име и го барале совршениот семеен дом за нив.

Џо дури ѝ купил фустанче на неговата ќерка, која го носи до денес.

Но, само 2 седмици по скенот и 3 месеци пред да се породи Ели, животот на Џо трагично прекинал и сега Ели живее како самохрана мајка, која се труди на секој можен начин да остане прибрана за својата ќерка.

На 23-годишната Ели последните 3 месеци од бременоста ѝ биле хорор затоа што само сакала да плаче и вреска од тага и бес што ја изгубила љубовта на нејзиниот живот, но морала да остане смирена за да не и наштети на нивната неродена ќерка.

„Несигурноста околу иднината ми ја распаруваше душата. Бев физички и ментално истоштена, но морав да останам силна, поради нашата принцеза, како што ја нарекуваше Џо“, изјави Ели.

Таа откри дека Џо бил пресреќен што ќе основаат семејство и идејата дека ќе има дете му давала смисла на животот.

Ќерката Џозефина била родена во јуни, а Ели се обидува на секој можен начин да ги задржи живи спомените за Џо, па така ја носи нивната ќерка на места кои му биле омилени. Ели и Џо посетиле заедно многу места меѓу кои Дизниленд во Париз, Хрватска, Италија и Грција и сега Ели сака да ја однесе на сите нив Џозефина и да креира специјални фотографии на местата каде што некогаш Ели позирала со Џо.

Дизниленд им била првата станица и Ели вели дека тоа имало терапевтско дејство за неа.

„Сакав со мојата ќерка да стојам на местото каде што стоев со нејзиниот татко и имав неверојатно среќни мигови“, изјави таа.

Вели дека нејзината ќерка ѝ е благослов и дека нејзиниот сакан Џо на некој начин продолжува да живее преку неа.

Искуствата од патувањата Ели ќе си споделува на Инстаграм.

С. С. | Црнобело