Зошто децата сакаат да им читате иста книга повторно и повторно?

Иако вашето дете има вистинска детска библиотека со многу наслови, тоа цело време бара да му се чита само една, конкретна приказна.

Со помош на читањето им помагате на децата да се научат на интонацијата на мајчиниот јазик и да го збогатат вокабуларот, но може да ви стане навистина здодевно ако секоја ноќ ја читате „Трите прасиња“.

И додека устата ви „фаќа пена“, а мозокот веќе ја знае приказната напамет, сигурно сте се запрашале зошто вашето дете толку ја сака баш таа приказна, а одбива други.

Децата сакаат повторување

Секое дете учи на начин што го повторува она што го гледа. Кога ќе му се допадне некоја приказна, сака и тоа да ја знае, но не знае самото да си ја прочита.

Како што растат децата, така се шират и нивните интереси. Бидете свесни дека за една до две години, вашето дете воопшто нема да сака ни да чуе за „Трите прасиња“, туку ќе сака да му читате и раскажувате и други приказни.

Колку се помлади, децата преферираат повторувачки акции, поради нивната потреба да научат нешто што подобро. Понатаму, самите ќе бараат повеќе.

Како учат од повторувањето?

Иако вам ви се чини како здодевна акција, повторувањето на децата им помага во својот мозок да ги запамтат зборовите, да ги врзуваат во реченици и да ги поврзуваат со нивното значење.

За нив, тоа е комплексна информација, па со повеќе повторувања, им станува појасна и посварлива. Токму поради тоа, децата често имаат омилена приказна, песничка или цртан филм, а тие околу нив полудуваат поради постојаното повторување.

Сепак, нема простор за лутење и убедување во нешто друго, бидејќи тоа им е единствен начин полесно да запомнат поголема количина информации.

Е. Д. | Црнобело