Како да го натерате детето да зборува ако има проблеми во училиште?

Како родител, сосема е нормално да се грижите за времето кое вашето дете го поминува во училиште и сакате да ви кажува што повеќе информации за тоа.

Доколку детето упорно одбива да зборува за што било поврзано со училиштето, можеби е време да примените понапредна родителска техника и да дознаете што навистина се случува.

Секако, не треба да поставувате иритирачки прашања, ниту да нагаѓате. Децата се чувствителни и само еден кажан збор може да биде сосема погрешен и да постигнете спротивен ефект.

Применете ги овие едноставни трикови, за да може детето да се „отвори“ и да открие што го мачи:

1. Не се откажувајте од разговорот

Вашето дете очекува дека ќе го прашате и по неколку пати што се случува. Доколку се откажете, ќе мисли дека веќе не сте заинтересирани.

Поминете време сами со него и веднаш ќе му стане поудобно да открие што го мачи.

2. Бидете емпатични

Можеби проблемот за вас е лесен и детинест, но за него е поголем од целиот свет. Не пробувајте да му објасните дека има луѓе на кои им е далеку потешко, туку бидете сочувствителни и емпатични.

3. Поставувајте потпрашања, интересирајте се

Покажете интерес, прераскажете го настанот со изменети детали и дозволете детето да ве поправи. Колку повеќе го правите тоа, толку побрзо ќе стигнете до саканата вистина.

4. Не поставувајте цели

Вашето дете треба да се чувствува удобно и безбедно покрај вас. Не вршете притисоци и не поставувајте цели, вие сте само помошник во таа ситуација.

5. Бидете партнер, не родител

Понудете ја вашата помош, разгледајте ги сите хипотетички ситуации, работете на социјалните вештини. За момент заборавете на тоа да сте родител и бидете му ортак на своето дете.

Е. Д. | Црнобело