Рекорден број на деца живеат со родители што се константно под стрес

Ако ситуацијата во Велика Британија е загрижувачка, тогаш каква е кај нас?

Според ново истражување на Public Health England 29% од децата во Велика Британија живеат со родители кои се под константен стрес.

Ова е највисок процент досега, а вакви истражувања почнале да се спроведуваат секоја година од 2010, па наваму.

Според податоците мајките почесто покажуваат симптоми на стрес отколку татковците. Едно од 28 деца живее во дом каде двајцата родители се под константен стрес, а бројот на деца кои живеат во дом каде едниот родител е во ваква состојба е драстично поголем.

Стресот на родителите кој ги мачи без прекин може да доведе до анксиозност и депресија. Ако се третира нивната состојба порано, тогаш помал ќе биде негативниот ефект врз нивните деца.

С. С. | Црнобело