20 вистини кои татковците треба да им ги кажат на своите ќерки и синови

Мажите, па така и татковците, често не се силни со зборовите и не ги покажуваат лесно своите чувства, па честопати го премолчуваат она што би сакале да го кажат.

Иако не ги покажуваат често чувствата тоа не значи дека не ги сакаат своите деца.

Ова се 20 вистини кои татковците не им ги кажуваат на своите ќерки и синови, а би сакале...

10 вистини кои татковците не им ги кажуваат на своите ќерки (а би сакале):

1. Луѓето ќе те проценуваат според изгледот. Ова не е фер, но светот така функционира.

2. Имај емпатија. Во секоја ситуација биди способна да се ставиш во позиција на лицето со кое комуницираш.

3. Обрни внимание на тоа како мажот ја сака својата мајка. На ист начин ќе те сака и тебе.

4. Можеш да направиш сè што може да направи и мажот, вклучувајќи органска хемија и монтирање на мебел.

5. Ништо не е попривлечно од интелигенцијата.

6. Не мораш да сториш ништо за да натераш некого да те сака. Вистинската личност ќе ја помине пустината за да може да биде со тебе.

7. Притисокот на врсниците лежи во несигурноста. Биди сигурна во себе и нема да мораш да „се вклопуваш". Луѓето ќе дојдат кај тебе.

8. Ако некој навистина те сака ќе ти дозволи да ги поставиш границите. Не дозволувај некој да го земе она што не може да ти го врати.

9. Научи како да ги филтрираш зборовите. Пред да кажеш нешто размисли како ќе звучат овие зборови.

10. Можеби не ти го кажувам ова често, но те сакам и горд сум на тебе.

10 вистини кои татковците не им ги кажуваат на своите синови (а би сакале):

1. Држи ја вратата и понуди ѝ го својот капут. Вниманието не е сексизам. Држи ја вратата за секого. Почитувањето не е сексизам.

2. Почитувај ја жената со која си.

3. Вистинскиот маж знае дека е во ред да се плаче.

4. Никогаш не заборавај дека, без оглед колку си сигурен дека си во право, понекогаш можеби си во криво.

5. Научи да ја врзуваш краватата.

6. Притисокот на врсниците лежи во несигурноста. Биди сигурен во себе и нема да мораш да „се вклопуваш". Луѓето ќе дојдат кај тебе.

7. Научи да танцуваш. Нема ништо пософистицирано од маж со доверба на подиумот.

8. Жената на сликата или во филмот е нечија сестра / ќерка. Размислувај за неа на ист начин како што би сакал некој друг да размислува за твојата сестра / ќерка во истата позиција.

9. Не постои фудбалски натпревар поважен од времето поминато со твојата партнерка.

10. Можеби не ти го кажувам ова често, но те сакам и горд сум на тебе.

 Ашера | Црнобело