Црвени сигнали дека треба да поставите граници во односот со вашата мајка

Се двоумите пред донесување одлуки

Доколку забележите дека не можете да донесете одлука без мислење од вашата мајка, можеби сте загрижени за нејзината реакција. Ова е уште еден знак дека треба да поставите граница. Воглавно, нормално е да побарате второ мислење од саканите, но не треба нивната реакција да ви предизвикува дополнителна грижа. Ова е ваш живот и вие најдобро знаете што треба да направите.

Повеќе е вклучена во вашиот живот за разлика од другите мајки

Иако не треба да се споредувате, понекогаш споредбата ќе ви помогне да откриете кога нешто не е во ред. Размислете каков е односот на вашите пријатели со нивните мајки. Доколку забележите дека вашата мајка е многу повеќе вклучена во вашиот живот за разлика од мајките на пријателите, можеби е време за промена. И вам ви е потребен личен простор, без разлика дали станува збор за родител, пријател или партнер.

Прави да се чувствувате нервозно

Доколку сте чувствувате неудобно секогаш кога ќе ви се јави или кога треба да ја видите, тогаш нешто не е во ред. Доколку, пак, забележите дека ја лажете за да го избегнете стресот, тоа значи дека нејзините реакции ве прават нервозни. Во овие ситуации слушајте ги вашата интуиција и вашето тело. Доколку дишете забрзано, имате главоболки или чувствувате други непријатни симптоми, можеби вашата мајка е премногу вклучена во вашиот живот.

Постојано сака да ве види

Нормално е да ѝ недостасувате на вашата мајка, но доколку постојано бара да се гледате, треба да поставите нови граници во вашиот однос. Можеби на почетокот нема да ѝ се допадне ова, но објаснете ѝ дека тоа ќе ви го подобри односот. Мајка ви има нејзин, а вие имате ваш живот и нема потреба постојано да бидете заедно.

Спирова С. | Црнобело