Мајка дои на под во воз, откако никој не ѝ отстапил место

Разочарана мајка раскажува за нечувствителноста и некултурата на луѓето: „Додека доев на подот се преправаа дека не постојам.“

22-годишната Софи Молинекс патувала со воз во Велика Британија со нејзиниот партнер и нивното 1-годишно синче Честер.

Иако Софи го држела во раце своето бебе, никој од патниците во вагонот не се понудил да стане и да ѝ отстапи место на мајката. Таа морала дури да го дои бебето седната на подот во возот.

Гладното момче цицало додека мајка му седела на нечистиот под.

„Имаше околу 50 патници околу мене и ниту еден не се помести. Честер е на возраст кога плаче ако не цица кога ќе биде гладен и морав да го дојам таму. Се разбира, не би седнала на нечистиот под, но немав многу избор. Луѓето ме видоа што правам, но се преправаа дека ништо не се случува“, изјави разочараната Софи.

С. С. | Црнобело