Децата не велат „се чувствувам анксиозно“ – децата велат „ме боли стомакот“

„Мамо, стомакот ме боли“ – Ќерката ми го кажуваше ова секоја вечер, во исто време.

Цел ден се чувствува добро, но кога е време за во кревет и ги гасам светлата, стомакот почнува да ја боли.

Ноќта е време кога дечињата најчесто чувствуваат непријатност, што ние возрасните би ја карактеризирале како анксиозност.

Темно е, сами се и нема нешто интересно што ќе им го одвлече вниманието.

Со месеци работиме на тоа да ја победиме анксиозноста и знае дека нејзиниот стомак е само потсетник и дека всушност ништо не ја боли, туку само е загрижена.

Синот од друга страна пак, е загрижен и стомакот го боли секое утро, пред училиште. Има анксиозност од раздвоеност од дома и не сака да биде далеку од сите, сам.

Секако, наместо да ми го каже тоа, ми вели дека го боли стомакот.

Децата не велат „анксиозен сум“ – само велат дека чувствуваат болка во стомакот.

А, зошто токму стомакот?

Бидејќи навистина чувствуваат болка во овој предел.

Стомакот е „дом“ на нервниот систем и обично се смета за втор мозок. Сериозните нервози и грижи може да создадат непријатни чувства во него.

Се работи за еден магичен круг во кој анксиозноста создава болка во стомакот, а болката во стомакот создава уште поголема анксиозност и така постојано.

Истражувањата покажуваат дека луѓето кои како деца чувствувале болки во стомакот пред важен настан, се за 51% посклони на анксиозност кога ќе пораснат.

Па, многу е важно следен пат кога детето ќе ви се пожали дека го боли стомакот да не го обвините дека измислува, туку да седнете и да му помогнете.

М. Д. | Црнобело