Совети за мајки и татковци кои се убедени дека се лоши родители

Воопшто не е лесно да бидете родител, особено ако постојано се обидувате да бидете совршена мајка или совршен татко.

Но, јасно е дека никој не може да биде совршен. Сите правиме грешки, дури и кога даваме сè од себе за да ги избегнеме.

Ако сте цврсто убедени дека сте лош родител, има начин да го промените тоа со следниве совети:

Бидете свој адвокат

Ако се соочувате со чувство на вина поради некоја постапка со детето, на лист хартија запишете што ве тера да мислите така.

Можеби вашето дете го оставило велосипедот на улица, а вие сте му го повишиле гласот, па сега се чувствувате лошо. Но, најверојатно нема причина за чувство на вина.

Откако ќе запишете што се случило и добро ќе ја анализирате ситуацијата, ќе сфатите дека не сте лош родител, туку дека понекогаш мора да бидете построги.

Игнорирајте ги другите

Повеќето родители се соочиле со некаква критика за нивното родителство. Најчесто овие коментари ги дофрлаат блиските луѓе, како родители, партнери, роднини …

Воглавно ова се случува кога детето е немирно, па родителот смета дека тој е виновен за однесувањето. Но наместо да се фокусирате на туѓите забелешки, најдете ја причината за однесувањето на вашето дете и решете го проблемот.

Ова е многу поважно од мислењето на другите.

Научете го детето да презема одговорност

Дали се обвинувате себеси затоа што детето сака да игра многу видеоигри? Дали сметате дека вие сте виновни за ниските оценки на детето бидејќи не му ги пишувате домашните?

Во овој случај, вие преземате одговорност за однесувањето на детето. Со ова, не му дозволувате самото да ги искуси последиците од неговите постапки.

Затоа, дозволувајте му на детето да презема одговорност и контрола. Истовремено, натерајте го само да ги извршува своите обврски, без да чека на вас.

Продолжува на следната страница...