„Ти си лоша мајка“ - ми рече мојот 6 годишен син

„Ти си лоша мајка! Ништо не правиш за мене“ – ми рече мојот 6 годишен син. Дали бев повредена? Малку.

Колку пати ви кажало нешто вакво или нешто слично вашето дете? И ви го скршило срцето.

Но, да ви кажам нешто, тоа и е всушност нашата умешност, да се биде мајка нели?

Затоа што тие никогаш нема да ги видат работите кои ние ги правиме „незабележано“ за нив:

Стресот кога треба да ги однесеме на доктор.

Спремањето и пакувањето за 1 час надвор.

Робувањето во кујната.

Непроспиените ноќи.

Шиењето костуми во 12 после полноќ затоа што се премислиле во последен момент.

Совршенството кон кое се стремиме. За нив.

Грижата и грижите.

Тие не го гледаат ова.

Зошто? Затоа што правиме тоа да изгледа толку лесно и едноставно.

Да, можев да го сфатам неговиот коментар навредливо и како мој неуспех. Но, сфатив дека моето ништо, сум јас, правејќи сè на светот за да биде среќен.

Искористив момент за да му споменам дека ме повреди и дека неговата среќа ми е најважна на светот. Тој ми рече: „Знам мамо. Те сакам. Извини. Мислам дека само имав потреба да ме гушнеш.“

Бев импресионирана од неговиот одговор. Одговор за кој работев навистина долго и посветено.

И во тој момент и двајцата научивме лекција. Понекогаш не им е потребна совршена мајка. Потребна им е нивната мајка. Онакви какви што сме.

Извор / фото: depositphotos.com