„Детето ми прави хаос дома - скрши неколку телевизори, истура земја од цвеќињата и што уште не“

„Фрла предмети дури и по телевизорите. Страв ми е дека некогаш ќе ја запали куќата. Искрено мора да се смеам на неговите бељи, во спротивно ќе треба само да плачам“, се исповеда оваа мајка.

Веруваме дека сите родители ќе се согласат дека децата се енергични, бунтовни и на моменти неуредни.

Но, ако мислевте дека вашето дете дома прави неред, тогаш погледнете што прави синот на Шјама Андервуд (35) од Велика Британија. Малиот Џексон Картер сега има 3 години, а неговата мајка вели дека прави бељи уште откако научил да оди на 10-месечна возраст.

Неговите потези досега ја чинеле мајка му неколку илјадници евра.

Има скршено неколку телевизори, истурено боја и оставено траги со раце по ѕидовите, повеќепати истурал земја од цвеќињата низ дневната соба и што уште не.

Но, и покрај напорите да го дисциплинира Андервуд не успева и вели дека кога на Картер ќе му каже нешто да не прави тој го прави уште повеќе.

„Ништо не е сигурно кога е Картер во близина. Уште откако почна да оди не можам да му го свртам грбот, дури ниту за секунда. Фрла предмети дури и по телевизорите. Страв ми е дека некогаш ќе ја запали куќата. Искрено мора да се смеам на неговите бељи, во спротивно ќе треба само да плачам“, се исповеда оваа мајка.

Инаку, Андервуд има уште 3 деца, но Картер е најмал. Таа вели дека имал здравствени проблеми кога бил мал, па изгледа поради тоа оттогаш го разгалила, а сега има проблеми со него.

Сепак, дали дозволувањето на вакво однесување е премногу или децата едноставно не знаат за граници? Што мислите вие?

С. С. | Црнобело