Сурогат мајка родила бебенце за пар од Кина, но поради пандемијата не можат да го земат - таа го чува за нив една година


Сурогат мајка родила бебенце за пар од Кина, но поради пандемијата не можат да го земат - таа го чува за нив една година

Наместо бебето да биде оставено по агенции за згрижување, Емили, која била сурогат мајка, одлучила да се грижи за бебето заедно со својот сопруг по молба од родителите од Кина кои не можат да допатуваат и да си го земат.

surogat-majka-rodila-bebence-za-par-od-kina-no-poradi-pandemijata-ne-mozhat-da-go-zemat-taa-go-chuva-za-niv-edna-godina-01povekje.jpg

Емили Чирслип (25) од Ајдахо на 18-ти мај 2020 родила девојче среде пандемијата. Таа била сурогат мајка за пар од Кина, кој поради рестрикциите поради пандемијата не можел да дојде и да си ја земе ќеркичката која Емили ја родила за нив.

Емили со сопругот Брендон, со кого имаат 2-годишен син, прифатила да го причува бебето 4 седмици, но ситуацијата се оддолжила и тоа е со нив веќе речиси цела година.

„Прво мислевме дека бебето ќе биде кај нас максимум 4 седмици, но се оддолжуваше периодот. Не знаеме до кога ќе биде точно, но таа сега кај нас е сакана и ние сме и сѐ во животот“.

Емили одлучила да биде сурогат мајка затоа што првата бременост со нејзиниот син ѝ била лесна. Таа сакала да им помогне на луѓето што не можат да имаат деца, но ѝ со добиената исплата за тоа да ги отплати своите студентски долгови и со сопругот да си купат поголем дом.

Првичниот план бил и родителите од Кина да бидат присутни на породувањето, но поради пандемијата не можеле да допатуваат од Кина во САД.

Тие ја замолиле Емили да ја чува нивната ќерка за да не биде оставена во некоја агенција за згрижување, а Емили е благословена што е во можност да им помогне во овие тешки времиња.

Иако била тешка одлука, таа и сопругот одлучиле да го направат тоа. Двајцата велат дека се обидуваат да постават некоја бариера во односот кон неа и постојано во главата им е тоа дека еден ден ќе мора да ја дадат, а нивна обврска е во оваа фаза од животот да ѝ дарат љубов и нега.

Фотки од семејството на Емили и ќеркичката на парот од Кина:

С. С. | Црнобело

Би можело да ве интересира:

Зошто мајка минала 2 години без да им купи нешто ново на децата? Кејти сфатила дека огледувањето на 3 мали деца е прескапо и дека постојано се фр...
Мајка дои на под во воз, откако никој не ѝ отстапил место Разочарана мајка раскажува за нечувствителноста и некултурата на луѓето: „Додека...
Смешни детски одговори на тема - мајка Децата се најискрените и најневините суштества, па кога ќе ги прашате некое праш...

Најчитани неделава

sonovnik-sidebar.jpg