„Се надевам дека беше првпат“ – Мајка го „фатила“ синот (2) како ја чисти тоалетната школка со нејзината четка за заби (видео)

Мајките на мали деца знаат дека не можат една минута да ги остават нивните малечки, а да не ги дочека некакво изненадување. Така оваа мајка на Facebook страница за родители сподели непријатно искуство што успеала и да го сними со камера.

Замислете го шокот на мајката кога влегла во тоалетот и го нашла нејзиниот 2-годишен син како ја чисти тоалетната школка и тоа со четката за заби на мама.

Никола Стит од Шкотска на Facebook групата Family lockdown tips and ideas го објавила краткото видео на кое се гледа како нејзиниот син Ајден вредно го чисти тоалетот, а над него стави наслов:

„Ова е само мојот 2-годишен син кој го чисти тоалетот со мојата четка за заби.“

https://www.youtube.com/watch?v=woak0dsnG_c

Никола појаснува дека нејзиниот најстар син Дилан ја викнал за да ѝ каже дека Ајден си игра со четкичка за заби во тоалетот, а таа веднаш знаела дека тоа е нејзината четка, пренесува Daily Mаil.

„Не требаше да се смеам за тоа што го прави, затоа што истото го направи и со новата четка неколку дена подоцна. Морав да ги скријам четките за заби“ - вели таа. 

Таа појаснува дека се обидела да ги крене четките на полица, но дека момчето често знае да се качува, па така морала да ги сокрие во фиока.

Инаку, видеото беше проследено со голем број коментари на социјалните мрежи. Повеќето се прашуваат колку пати претходно Ајден го исчистил тоалетот без мајка му да забележи.

„Само се надевам дека тоа беше првпат тоа да го направил со четките за заби, а не првпат кога го фатив“ – вели таа.

Како и да е, долго ќе го паметиме насмеаното русокосо детенце како вредно работи додека мајка му не го гледа. Ако претходно се прашувавте зошто постојано се нагласува дека децата до 5 години не треба во ниту еден миг да ги оставаме сами, ова видео може да биде мало потсетување.

Б. С. Б. | Црнобело