Исповед на Србинка: „На роденденот на ќерка ми не се појави речиси ниту едно дете, претажна беше“

Кога станува збор за славењето родендени, најтешко им е на оние деца што се родени во лето. За разлика од „зимските деца“ за нив е вистински предизвик да се направи роденден со голем број другарчиња. Таков е и примерот со овие родители што својата приказна ја споделија на социјалните мрежи.

Мајка со српско потекло што живее во Цирих, Швајцарија ја споделува тажната приказна за роденденот на нејзината ќерка.

„Не можам да ви ја опишам тагата на детето... И како децата да склопуваат пријателства, да се сакаат и да се почитуваат меѓусебно?“ – напиша видно револтираната мајка на Твитер.

Инаку, таа претходно објави фотографија од тортата направена по повод 12-иот роденден на нејзината ќерка Дијана, до која напиша колку непријатно биле изненадени кога претходно поголем број родители потврдиле дека нивните деца ќе дојдат на роденденот, а не се појавиле.

„Од 16 деца, 13 потврдија дека ќе дојдат на роденденот. Дојдоа само три. Наводно се пакуваат за годишен одмор, им искрснало планинарење, а на некои им било доцна да дојдат од 14 до 17 часот. Никој не се јави културно да се извини. Изнајмен простор, храна, домашно кино, голема торта… Сето тоа не е важно …“ – стои во написот над фотографијата.

Голем број нејзини следбеници на Твитер одговорија дека не е во ред тоа што родителите прво потврдиле дека ќе дојдат, а потоа не дошле. Сепак, некои пак велат дека и тие имаат роденден во лето и дека токму од тие причини не се ни обидувале да го слават роденденот, за да не им се случи нешто слично.

Б. С. Б. | Црнобело / Фото: depositphotos.com / Twitter