„Имам пет деца, од кои два пара близнаци, се будам и се молам да се добро расположени“

„Наутро се будам и се молам дека ќе бидат расположени да ми помогнат“ - оваа 24-годишна жена има пет деца на возраст под 5 години. Таа родила два пара близначиња во само три години и тоа по природен пат, а во семејството немаат други близнаци.

Надин Робертсон (24) од Велика Британија има пет деца. Во 2017-тата година таа ја добила ќерката Исла, во 2018-тата таа станала мајка на ќерките близначки Оливија и Ајви, а годинава добила уште еден пар близначиња.

Она што особено изненадува е дека близначињата ги добиле по природен пат, а ниту Надин, ниту нејзиниот сопруг Фил немаат историја на близнаци во семејствата.

Новороденчињата се стари околу 10 недели, а седумчленото семејство живее во куќа со четири спални соби. Близнаците делат по една соба, а најстарата ќерка Исла има сопствена соба.

Надин вели дека честопати се соочува со прашања од луѓето на улица дали близнаците ги добила со ин витро.

„Секојпат кога ќе излезам луѓето ме застануваат на улица. Штом видат дека имам две бебиња во количката и уште две мали деца со мене, веднаш коментираат. За мене не е толку невообичаено бидејќи сум члeнка на голем број групи за мајки на близнаци на Facebook и гледам дека голем број луѓе имаат по два пара близнаци“ – вели таа.

Коментарите од другите луѓе најчесто се различни, при што едни ја прашуваат како се справува со пет деца, а други директно прашуваат дали правела ин витро.

„Најчесто повозрасните луѓе ме прашуваат дали сум правела ин витро, но не сум правела. Првпат кога ми го поставија ова прашање навистина бев вознемирена. Зошто, ако имав едно бебе никој немаше да ме праша дали сум ги родила по природен пат или сум правела ин витро? Но, сега сфаќам, дека луѓето се само љубопитни“ – вели таа.

Што се однесува до тоа како се справува со пет деца, таа вели:

„Само гледам да го поминам денот, да бидам искрена. Се будам и се надевам дека ќе бидат расположени да ми помогнат. Лудо е, но, ги сакам“ – вели таа.

Во продолжение повеќе фотографии од децата:

Б. С. Б. | Црнобело